ពាក្យថាសំបុកពងខ្សោយមុនអាយុដែលត្រូវអស់រដូវប្រចាំខែនោះ បានសេចកី្ដថា សំបុកពងបុប្ផាណ្ឌ (Ovule) ដែលមានសកម្មភាព ឬដំណើរការមុនអាយុកំណត់របស់ស្រ្ដីភេទនៅពេលនាងមិនទាន់ទាំងមានវ័យចាស់ឈានដល់ពេលអស់រដូវប្រចាំខែនោះ។ មានការស្រាវជ្រាវជាច្រើនបានឲ្យឃើញថា កក្តាមួយចំនួនដូចជាអ័រម៉ូន ហ្សេន ជំងឺឆ្លងតពូជ រួមជាមួយនឹងកក្តាជាច្រើនថែមទៀតផង សុទ្ធតែជាចំណែកដែលធ្វើឲ្យជំងឺបែបយ៉ាងនេះ (មិនមានកូន) កាន់តែវិវត្តធ្ងន់ធ្ងរឡើង។ អាការៈខ្សោយសំបុកពងបុប្ភាណ្ឌ គឺជាសភាពមួយដែលសំបុកពងទាំងពីរលែងមានសកម្មភាពដូចធម្មតា នៅពេលដែលស្រ្ដីភេទនៅពុំទាន់ឈានចូលដល់វ័យ៤០ឆ្នាំផងនៅឡើយ។ បញ្ហានេះហើយដែលនាំឲ្យបាត់បង់សមត្ថភាពបង្កកំណើត ឬមានគត៌ ហើយថែមទាំងបង្កឲ្យកើតមានករណីរដូវប្រចាំខែមិនទៀងទាត់។ ជំងឺប្រភេទនេះជាមួយមនុស្សស្រី្តមួយចំនួនបានកើតមានតាំងពីអាយុមិនទាន់គ្រប់ការមកម្ល៉េះ រហូតដល់មានគូស្រករ (មានបី្ត) គេហៅថា ស្រីអារ (មិនមានកូន)។ កាលពីមុននោះ ដោយសារតែផែ្នកវិជ្ជសាស្រ្តនៅពុំទាន់រកឃើញមូលហេតុនៅឡើយ គេបានហៅបញ្ហាបែបនេះថា “អស់រដូវមុនអាយុកំណត់” ។ ប៉ុនែ្តការសន្មត់បែបយ៉ាងនេះ ក៏ពុំអាចធ្វើការបញ្ជាក់ ឬបកស្រាយអំពីរឿងពិតកើតមានចំពោះស្រី្តដែលកើតបញ្ហាខ្សោយសំបុកពងនោះបានទេ។ ផ្ទុយពីស្រី្តទាំងឡាយដែលទទួលរងការបាត់រដូវអស់ពេលជាច្រើនដង ប៉ុនែ្តក្រោយមក ក៏មានរដូវប្រចាំខែឡើងវិញដូចធម្មតា ទោះជារដូវមិនមានជាទៀងទាត់ក្តី។ ចំពោះស្រី្តដែលមិនមានរដូវទាល់តែសោះពីធម្មជាតិមកនោះ ក៏ពិបាកនឹងមានបុត្រផងដែរ។ ជាការពិបាកកត់សំគាល់ណាស់រវាងរោគស្រី្តទៅតាមក្រឹត្យក្រមនៃធម្មជាតិ ប៉ុនែ្តសម្រាប់ករណីកើតជំងឺខ្សោយសំបុកពងនេះវិញ តាមរោគសញ្ញាដែលគេតែងតែកត់សំគាល់នោះ អាស្រ័យដោយសារ “រដូវកាលប្រចាំខែមិនទៀងទាត់ទាល់តែសោះ”។ នៅពេលខ្លះនោះ គ្រូពេទ្យក៏ពុំបានចាប់អារម្មណ៍ដល់បាតុភូតបែបយ៉ាងនេះដែរ ប៉ុនែ្តបែរធ្វើការសនិ្នដ្ឋានថា ប្រហែលជាមកពីកើតអាការៈតានតឹងនៅក្នុងខ្លួនវិញ ព្រោះកើតស្រេ្តស ទើបបានជានាំឲ្យបាត់រដូវ។ ជាការពិតនោះហើយដែលរដូវប្រចាំខែរបស់ស្រ្តីទាំងឡាយ គឺជារឿងដ៏សំខាន់ទាក់ទិនទៅនឹងសុខភាពស្រី្តភេទ។ ប្រសិនបើរដូវប្រចាំខែមិនបានទៀងទាត់ហើយនោះ ឬមួយបែរជាត្រូវរងការបាត់បង់រដូវអស់ពេលមួយរយៈខ្លី សូមសុភាពស្ត្រីទាំងឡាយអញ្ជើញទៅជួបពិភាក្សាជាមួយគ្រូពេទ្យផែ្នកសម្ភព និងរោគស្រ្ដីដើម្បីទទួលបានការពិនិត្យ ព្យាបាល ឬកំណត់ឲ្យបានប្រាកដអំពីមូលហេតុនេះ។ ប្រសិនបើស្រ្ដីដែលមានអាយុនៅមិនទាន់គ្រប់ ៤០ឆ្នាំនៅឡើយ ហើយរដូវកាលប្រចាំខែមកមិនទៀងទាត់ ឬអាចបាត់រដូវអូសបន្លាយពេលដល់ទៅ ៣ខែជាបន្តបន្ទាប់ ស្រ្ដីត្រូវតែទទួលបានវាស់កម្រិត FSHនៅក្នុងឈាមដើម្បីរកឲ្យឃើញអំពីមួលហេតុខ្សោយសំបុកពងមុនកាលកំណត់នៃអាយុ។ មានសុភាពនារីមួយចំនួនដែលមានជំងឺខ្សោយសំបុកពងនោះ បែរជាមានរោគសញ្ញាផេ្សងទៅទៀត ប្រៀបបានទៅនឹងបញ្ហាគ្មានរដូវពីធម្មជាតិ ដោយគេសងេ្កតឃើញថា នាងកើតមានអារម្មណ៍ក្រហល់ក្រហាយក្នុងខ្លួន តែងតែបែកញើសនៅពេលយប់ អារម្មណ៍មិនមូល មិនសូវរវីរវល់នឹងបញ្ហាផ្លូវភេទ ឬតែងតែកើតមានការឈឺចាប់នៅពេលទទួការយកការរួមភេទសម័្ពន្ធ ទ្វារមាស(រន្ធយោនី) ស្ងួតមិនមានគភ៌បាន។ សុភាពនារីទាំងឡាយដែលកើតមានបញ្ហាបែបយ៉ាងនេះ កម្រមានគភ៌ណាស់។ រហូតមកដល់ពេលបច្ចុប្បន្ននេះទៅហើយ ក៏នៅពុំទាន់មានវិធីណាដើម្បីជួយធ្វើការព្យាបាល និងជួយសង្រ្គោះឲ្យមានបុត្រ-ធិតាបាននោះទេ។ មានការជួយផ្ដល់លទ្ធភាពដើម្បីមានកូនបានដូចជាការផ្សាំជាមួយនឹងមេជីវិត(ទឹកកាម) របស់ប្ដីនាង ហើយដាក់បញ្ចូលក្នុងស្បូនរបស់នាងតែប៉ុណ្ណោះ ទើបនាងអាចមានបុត្របាន៕
ប្រភពៈ កាសែតកម្ពុជាថី្ម ដោយៈ B.C Victoria
GOLD TIPS 